गोवा कोंकणी अकादेमी
पणजी-गोंय

कोंकणी गोंयच्या लोकांची भास आनी गोंय राज्याचे सर्वांगी उदरगती खातीर तिचो सगल्या मळांचेर विकास जावप भोव गरजेचो.
आनी कोंकणी भास आनी साहित्य हांच्या माध्यमा वरवीं अ‘‘या गोंयाचो संस्कृतीक एकवट घडोवन हाडपा खातीर कोंकणी भास, साहित्य आनी संस्कृताय हांचो विकास वेगान जावंचो अशें गोंय सरकार खरायेन आंवडेता. ते खातीर सकयल दिल्ले प्रमाण थारायलां तें अशें:
वयल्यो मोखी साध्य करपाक एक अकादेमी स्थापन करतले.
1. नांवः अकादमीचें नांव गोवा कोंकणी अकादेमी अशें आसतलें.
2. मु‘यालयः अकादेमीचें मु‘यालय पणजे वा अकादेमीचें सर्वसाधारण मंडळ थारायत ते प्रमाण हेर खंयचेय सुवातेर आसतलें.
3. अधिकारितायः अकादेमी ही संस्था नोंदणी अधिनियम 1860 खाला (1860चो अधिनियम XXI) नोंद जाल्ली एक स्वायत्त संस्था आसतली आनी तिका अ‘‘या गोंय राज्याचेर अधिकारिताय आसतली.

4. ध्येयां, उद्दिश्टां आनी कार्यां
क. कोंकणी भास, साहित्य आनी संस्कृताय हांचो वेगान विकास साधप, तेच परीं कोंकणी भास आनी साहित्यांतल्यान ह्या राज्याचो एकचार घडोवन हाडपाक वाव दिवप हीं ध्येयां अकादेमीन नदरे मुखार दवरल्यांत.
ख. वयल्यो मोखी साध्य घेवचे पासत अकादेमी सकयल दिल्यांत तीं कार्यां करतली.
i) कोंकणी भास, साहित्य आनी संस्कृताय ह्या मळांवल्यो संशोधनाच्यो येवजण्यो वा प्रकल्प चालीक लावप / उर्बां दिवप वा असल्यो कार्यावळी चालीक लावपाचो वावर हातांत घेवप.

ii) ह्या संशोधनांतल्यान फुडें आयिल्लो वावर छापून उजवाडा हाडपाच्या कार्याक चालना दिवप.

iii) मौलीक साहित्य, तशेंच अभ्यास प्रबंध, चरित्रां, पुस्तकां, नेमाळीं आनी गिन्यानाच्या हेर मळां वेलीं पुस्तकां उजवाडावपाच्या वावराक चालना दिवप, पालव दिवप वा अशे तरेचो वावर हातांत घेवप.

iv) संदर्भ साहित्य, देखीक पुस्तक वळेऱ्यो, सुची, ज्ञानकोश, शब्दकोश, बी तयार करपाक आनी उजवाडा हाडपाच्या वावराक चालना दिवप, पालव दिवप वा प्रत्यक्ष तो वावर चालीक लावपाच्यो येवजण्यो हातांत घेवप.
v) वेगळ्यावेगळ्या भारतीय / विदेशी भाशांतल्या अभिजात आनी हेर खाशेल्या साहित्यीक पुस्तकांची निर्मणी आनी अणकार करपाच्या आनी उजवाडावपाच्या वावराक चालना दिवप आनी पालव दिवप.

vi) गोंयच्या इतिहासा कडेन आनी संस्कृताये कडेन संबंदीत अशा संदर्भ साहित्याचें संपादन, अणकार आनी प्रकाशन कोंकणींतल्यान करपाच्या वावराक चालना दिवप, पालव दिवप वा प्रत्यक्ष तो वावर चालीक लावपाच्यो येवजणे हातांत घेवप.

vii) गोंयचो समाजीक, राजकी, संस्कृतीक आनी साहित्यीक इतिहास तयार करपाच्या येवजणंक चालना दिवप, पालव दिवप वा त्यो येवजण्यो प्रत्यक्ष स्वता तडीक व्हरप.

viii) कोंकणी भास आनी साहित्याचो पुरस्कार करपाचे नदरेन गिन्यानाच्या खंयच्याय मळार संशोधन करपाच्यो वाटो सोदून काडप.

ix) कोंकणींतलीं / कोंकणी विशींचीं पुस्तकां छापून उजवाडावपा खातीर बरोवप्यांक आनी विद्वानांक अर्थीक पालव दिवप.

x) कोंकणी भास, साहित्य आनी संस्कृताय हांच्या मळार वावर करपी साहित्यीक आनी संस्कृतीक संस्थांक अर्थिक पालव दिवप.

xi) कोंकणी भास, साहित्य आनी संस्कृताय हांकां प्रोत्साहन दिवपा खातीर परिसंवाद, शिबिरां, मेळावे, प्रदर्शनां, बी आयोजीत करपाच्या वावराक चालना दिवप, पालव दिवप वा स्वता तो वावर अकादेमीन हातांत घेवप.

xii) वाचनालयांक वा भौशीक वाचपघरांक कोंकणी भाशेंतलीं पुस्तकां आनी नेमाळीं मेळोवन दिवप.

xiii) कोंकणी भास, साहित्य आनी संस्कृताय हांच्या विंगडविंगड फांट्यांत मोलादीक अभ्यास, संशोधन करतल्यांक पुरस्कार दिवप.

xiv) कोंकणी भास, साहित्य आनी संस्कृताय ह्या मळांचेर वावर करपी पात्र जाणकारांक आनी विद्यार्थ्यांक शिश्यवृत्त्यो आनी अभ्यासवृत्त्यो दिवप.

xv) गोंय राज्यांत जिविताच्या सगल्या मळांचेर कोंकणीचो चडांत चड वापर जावपाक उर्बा दिवप.

xvi) कोंकणी भास, साहित्य आनी संस्कृताय हांचें शिक्षण तशेंच अभ्यास हांचो गोंय राज्यांत पुरस्कार करप.

xvii) अशेच तरेचें ध्येय आनी उद्दिश्टां नदरे मुखार दवरून वावुरपी देशाच्या हेर भागांतल्या संस्थां कडेन भाशीक, साहित्यीक आनी संस्कृतीक दिवपा-घेवपाची कार्यावळ विकसीत करप.

xviii) अकादेमीच्यो संपादणुको आनी तिणें हातांत घेतिल्ल्या तशेंच तिचे कडल्यान अनुदानीत अशे हेर खंयचेय संस्थेन चालीक लायिल्ल्या कार्या संबंदीं वेळावेळार गोंय सरकाराक माहिती दिवप.
xix) कोंकणी भास, साहित्य आनी संस्कृताय हांचे संबंदान धोरणां आंखपांत गोंय सरकाराक बुद्द दिवप आनी तीं चालीक लावपाक पालव दिवप.

xx) तिचीं उद्दिश्टां फुडें व्हरपाच्या वावरांत देणग्यांच्या रुपान निधी जमोवप, तशेंच अनुदान आनी वसियती स्विकारप, घाणाक दवरप, जमीन विकती घेवप, सगल्या तरांची संपदा धारण करप तशेंच विक्री चलोवप आनी हेर तरेन तिचो विलो लावप.

xxi) एक निधी दवरप जातूंत जमा करतले-

अ) राज्य सरकार वा केंद्र सरकार हांचे कडल्यान मेळिल्लो सगलो दुडू.

ब) दुसरें खंयचेय कडल्यान कसल्याय स्वरुपांत मेळिल्लो दुडू.

xxii) अकादेमीचीं उद्दिश्टां फुडें व्हरपा खातीर गरज पडत तशीं सगलीं कार्यां/कार्यावळी हातांत घेवप वा पावलां उबारप, मागीर तीं कार्यां, कर्तुबां वा गजाली वयर दिल्यात त्या अधिकारा कडेन, त्या प्रसंगा कडेन अनुशंगीक आसूं वा नासूं.

5. अकादेमीचे पदाधिकारीः
अकादेमीचे पदाधिकारी अशे आसतलेः
i) अध्यक्ष

ii) उपाध्यक्ष

iii) सचिव
6. अध्यक्ष
i) अकादेमीचो अध्यक्ष सरकारान नेमिल्लो आसतलो.

ii) परिस्थितीचे गरजे प्रमाण अध्यक्षाक सर्वसाधारण मंडळाचे वा वावुरपी समितीचे वतीन निर्णय घेवपाचो अधिकार आसतलो, मात, ते ते अधिकारिणीची मान्यताय त्या त्या निर्णयाक ताचे फुडले बसकेंत घेवपाचें बंधन त्या अधिकाराचेर आसतलें.

iii) स्वताचे विवेकबुद्दीक अनुसरून सॅण्ट्रल इन्स्टिट्यूट ऑफ इंडियन लँग्वेजीसच्या निदेशकाक वा हेर कोणाय मानेस्ताक अध्यक्षांनी सर्वसाधारण मंडळाचे वा वावुरपी समितीचे बसकेक हाजीर रावपाक आपोवं येता. मात, असल्या आमंत्रितांक मतदानाचो अधिकार आसचो ना.

iv) वेळावेळार घालून दिल्ल्या नेमांक धरून अध्यक्ष मानधनाचे हकदार आसतलो.

7. उपाध्यक्ष
i) सर्वसाधारण मंडळ आपल्या वांगड्यां मदल्यान उपाध्यक्ष वेंचून काडटलें आनी ताचो अधिकारकाळ तीन वर्सांचो आसतलो.

ii) कसल्याय कारणाक लागून अध्यक्ष हाजीर नासत जाल्यार उपाध्यक्ष हो अध्यक्षाची सगली जापसालदारकी पेलतलो.

iii) वेळावेळार घालून दिल्ल्या नेमांक धरून उपाध्यक्ष मानधनाचो हकदार आसतलो.

8. सचिव
i) सचिव अकादेमीचो मुख्य निश्पादक अधिकारी आसतलो आनी ताची नेमणूक सरकारा कडल्यान प्रतिनियुक्तीचेर जातली.

ii) सचिव हो सर्वसाधारण मंडळ आनी वावुरपी समिती हांचो पदसिद्ध सचिव आसतलो. तेच परीं सर्वसाधारण मंडळ वा वावुरपी समिती ज्यो हेर कसल्योय समित्यो घडयत तांचोय तो पदसिद्ध निश्पादक आसतलो पूण तो त्या प्राधिकरणाचो वांगडी मात आसचो ना.

iii) सचिवाचीं कर्तव्यां अशीं आसतलीं :
क) वावुरपी समिती ताच्या हातांत दीत अशा सगल्या संपदांचो तशेंच अभिलेखांचो ताणें अभिरक्षक जावप.
ख) अकादेमीच्या प्राधिकरणांचे वतीन ताणें कार्यालयाचो पत्रवेव्हार चलोवप.

ग) अकादेमीच्या प्राधिकरणाच्या तशेंच त्या प्राधिकरणांनी घडिल्ल्या हेर समित्यांच्यो बसका आपोवपा खातीर सगल्यो कळोवण्यो धाडप.

घ) अकादेमीच्या प्राधिकरणांच्या तशेंच तांणी नेमिल्ल्या हेर सगल्या समित्यांच्या बसकांचे नियाळ बरोवन दवरप.

ङ) वावुरपी समितीचे देखरेखी खाला अकादेमीचे वतीन हिशोब सांबाळप.

च) अकादेमीचे वतीन सगले लेखा वेव्हार सांबाळप.

छ) वावुरपी समितीन वेळावेळार ताचेर सोंपल्ल्यिा अधिकाराचो वापर करप.

9. अकादेमीचीं प्राधिकरणां
अकादेमीचीं प्राधिकरणां सकयल दिल्यांत ते प्रमाण आसतलीं :
क) सर्वसाधारण मंडळ
ख) वावुरपी समिती
ग) वित्त समिती
घ) सर्वसाधारण मंडळ ताचें खंयचेंय एक वा चड कार्यां निभावपा खातीर खंयचीय हेर स्थायी समिती / समित्यो घडयत ती/त्यो.

10. सर्वसाधारण मंडळ
1) अकादेमीचें सर्वसाधारण मंडळ अशें आसतलें :
i) अकादेमीचो अध्यक्ष

ii) अकादेमीचो उपाध्यक्ष

iii) वित्त सल्लागार, जो गोंय सरकाराचो वित्त सचिव आसतलो.

iv) गोंय सरकाराचो शिक्षण सचिव.

v) कला आनी संस्कृतीक निदेशालयाचो निदेशक.

vi) गोंयच्या माध्यमीक आनी उच्च माध्यमीक शिक्षण मंडळाचो अध्यक्ष.

vii) गोंय विद्यापिठाचो कुलगुरू वा ताचो प्रतिनिधी.

viii) साहित्य अकादेमीचे वावुरपी समितीचेर कोंकणीचें प्रतिनिधित्व करपी व्यक्ती.

ix) अखील भारतीय कोंकणी साहित्य परिशदेन सुचिल्ली व्यक्ती.

x) गोंयचे कला अकादेमीचो अध्यक्ष/उपाध्यक्ष.

xi) कोंकणी भास, साहित्य वा संस्कृताय हांच्या मळार नामना जोडिल्ल्यो आनी गोंय सरकारान नामनिर्देशीत केल्ल्यो तीन व्यक्ती.

xii) कोंकणी भास, साहित्य आनी संस्कृताय हांच्या मळार वावुरपी, सर्वसाधारण मंडळाच्या हेर वांगड्यांनी जांकां तांच्या व्यक्तीगत सामर्थ्याचेर वेंचून काडल्यात अशे पांच व्यक्ती.

xiii) नवी दिल्लीच्या केंद्र सरकाराच्या मानव संसाधन मंत्रालयाचो (भाशा विभाग) एक प्रतिनिधी.

2) थारायिल्ले तारखे सावन वा नवें सर्वसाधारण मंडळ आपणाली पयली बसका घेतलें ते तारखे सावन सर्वसाधारण मंडळाचो कार्यकाळ तीन वर्सांचो आसतलो.

11. सर्वसाधारण मंडळाचीं कार्यां
i) ताच्या वांगड्यां मदल्यान उपाध्यक्ष वेंचून काडप.

ii) वावुरपी समितीचे वांगडी वेंचून काडप आनी वित्त समितीचे कार्यपद्दती खातीर नेम थारावन दिवप.

iii) वित्त समितीच्या वांगड्यांक वेंचून काडप आनी वित्त समितीचे कार्यपद्धती खातीर नेम थारावन दिवप.

iv) वावुरपी समितीन तयार केल्ल्या वर्सुक्या खर्चाच्या अदमासपत्रकाचो पुनर्नियाळ करप तशेंच अकादेमीचे वावुरपी समितीन तयार केल्ल्या वर्सुक्या अहवालाक मान्यताय दिवप, तेच परीं सचिवान तयार केल्लें लेखा विवरण मानून घेवप.

v) लेखा परिक्षकाची नेमणूक करप.

vi) वावुरपी समितीन प्रस्तावीत केल्ले कार्यक‘म आनी विशिश्ट अश्यो निश्चीत येवजण्यो हांचेर विचार करप.

vii) वावुरपी समितीचे शिङ्गारशी वल्यान कोंकणींतले नामनेचे सर्जनशील लेखक वा कोंकणी भास, साहित्य वा संस्कृताय हातूंतले वा हांचे संबंदींचे सामान्या भायले तांकीचे जाणकार हांकां अकादेमीचे मानद वांगडी म्हणून वेंचून काडप. पूण अश वांगड्यांचो आंकडो केन्नाच पांचां परस चड वा त्या त्या वेळार अदींमदीं सर्वसाधारण मंडळ निश्चीत करीत ताचे परस चड आसचो ना.

viii) अकादेमीचें वेवस्थापन चलोवपा खातीर गरजेचीं आसात तितलीं सगलीं कार्यां हातांत घेवप, जातूंत स्वताची नेमावळ, नियम, पोटनेम आनी कार्यपद्दतीचे नेम तयार करप हांचो आसपाव जाता.

12. सर्वसाधारण मंडळाची बसका
अध्यक्षान आपूण जावन आपयल्यार वा अकादेमीच्या वांगड्यां भितरल्या दोन तृतियांशां परस उणे न्हय इतल्या वांगड्यांनी मागल्यार खंयचेय एके तारखेर सामान्यतायेन सर्वसाधारण मंडळाची बसका वर्साक दोन फावटीं भरतली आनी बसकेची यजमानकी अध्यक्ष वा तो हाजीर नासल्यार उपाध्यक्ष चलयतलो.

13. गणपुर्ती
खंयचेय बसकेक आठ वांगड्यांची गणपुर्ती उपकारतली.

14. वावुरपी समिती
1. वावुरपी समिती सकयल दिल्यात त्या वांगड्यांची आसतलीः
i) अध्यक्ष

ii) उपाध्यक्ष

iii) गोंय सरकाराचो शिक्षण सचिव

iv) सर्वसाधारण मंडळान आपणाल्या वांगड्यां मदल्यान वेंचून काडिल्लें स(6) वांगडी.
2. अकादेमीचो सचिव होच वावुरपी समितीचो सचिव आसतलो पूण तो वावुरपी समितीचो वांगडी आसचो ना.
3. वावुरपी समितीचो कार्यकाळ सर्वसाधारण मंडळाच्या कार्यकाळा वांगडाच सोंपपी असो आसतलो.

15. वावुरपी समितीचीं कार्यां
क) सर्वसाधारण मंडळान दिल्ल्या धोरणात्मक निदेशांचे ङ्गास्केंत रावून अकादेमीची निश्पादक अधिकारिणी जावन वावरप.

ख) अकादेमीच्या एकंदर वावराचेर तशेंच तिच्या कार्यालयाचेर नदर आनी नियंत्रण दवरप.

ग) अकादेमीच्या कार्यक‘माची आंखणी करून आनी तो आपणावन निश्चीत स्वरुपाच्यो आंखण्यो आनी विशिश्ट येवजण्यो सर्वसाधारण मंडळाच्या विचारा खातीर सुचोवप.

घ) सुसुत्रीकरणा खातीर पोट-नेम आनी कार्यपद्दतीची नेमावळ तयार करप.

ङ) अकादेमी कडल्यान अर्थीक आनी हेर तरांचो पालव दिवचे पासत राज्यांतल्यो संघटणा / संस्था वेंचप.
च) अकादेमीचे मानद वांगडी वेंचपा खातीर सामान्या भायले गुणवत्तेच्या व्यक्तींक वेंचून काडून तसो प्रस्ताव सर्वसाधारण मंडळा मुखार दवरप.

छ) अकादेमीच्या खर्चाचें वर्सुकें अदमासपत्रक प्रस्तावीत करप.

ज) सर्वसाधारण मंडळाच्या विचार विमर्शा खातीर अकादेमीचो वर्सुको अहवाल आनी लेखा विवरण तयार करप.

झ) सबंद आस्थापनाचो एकंदर खर्च चलोवप, अकादेमीचो वावर फुडें व्हरपा खातीर गरजेचे दिसतात अशे मुद्दे घडोवप आनी नेम तयार करून त्या नेमणुकां संबंदींच्यो अटी तशेंच सेवा-अटी तयार करप. पूण दर म्हयन्याक रु. 4000/- (रुपया चार हजार ङ्गकत) हाचे परस चड पगाराचो कसलो हुद्दो तयार करपाचो आसल्यार तो सरकाराची आदीं मान्यताय घेतले बगर करूंक मेळचो ना.

16. वित्त समिती

वित्त समितीची नेमणूक अध्यक्ष करतलो आनी तातूंत ह्यो व्यक्ती आसतल्योः
i) अकादेमीचो अध्यक्ष

ii) वित्तीय सल्लागार

iii) सर्वसाधारण मंडळाचो एक वांगडी
iv) वावुरपी समितीचो एक वांगडी
v) अध्यक्षाच्या सल्ल्या प्रमाणें अकादेमीचो सचिव वित्त समितीची बसका आपयतलो पूण तो ते समितीचो वांगडी आसचो ना.

17. वित्त समितीचीं कार्यां
वित्त समिती अकादेमीचें अदमासपत्रक विचारांत घेतली, ताचेर वावुरपी समिती पासत शिफारस करतली आनी एका वित्तीय वर्सा भितर करपाच्या खर्चाची मर्यादा थारायतली.

18. सर्वसाधारण
क) अकादेमी, थाराल्ल्यिा वेळा भितर योग्य वेळार फुडल्या वित्तीय वर्साच्या कार्यक‘माची रुपरेशा तयार करतली आनी ती वर्सुक्या अदमासपत्रका वांगडा शिक्षणाचो ताबो आशिल्ल्या सरकारी सचिवा कडेन 30 जूना पयलीं पावता अशे तरेन धाडटली.
ख) अदमासपत्रकांत आसपाव करून घेतिल्ल्या येवजण्यां प्रमाणें आनी सरकारान मानून घेतिल्लें प्रमाणें खर्च करपाक अकादेमी सक्षम आसतली. वावुरपी समितीच्या नियंत्रणा खाला काम करपी हे समितीन एका थारावा वरवीं असो खर्च करपाक सचिवाक अधिकार दितले. वयर सांगल्या तितले व्याप्तेच्यो मांडण्यो सोडल्यो जाल्यार खर्च, हिशोब आनी लेखा परिक्षा हांच्या संदर्भांत अकादेमीच्यान सरकाराच्या सर्वसाधारण मार्गदर्शक नेमां भितर रावून खर्च करूं येता.

ग) सरकाराचे पूर्वपरवानगे बगर वर्सुक्या अदमासपत्रकांत केल्ले तरतुदी भायर खंयचेच परिस्थितींत अकादेमीच्यान कसलोच खर्च करूं नजं.

घ) सर्वसाधारण मंडळाच्यान स्वता, वा अकादेमीच्या हेक खंयच्याय प्राधिकरणान घेतिल्ल्या निर्णयांत बदल करूं येता वा तो कडेक काडूं येता. मात थारावांत व्या‘या केल्या ते प्रमाणें त्या अधिकारांत वा कार्याधिकारांत तें सारकें बसता आसत जाल्यारूच अशें करूंक मेळटलें.

ङ) सर्वसाधारण मंडळान केल्ले नेमावळींत कितेंय आसलें तरी अकादेमीचे सरकारी लेखापरिक्षक हिशोब तपासणेचीं सर्वसाधारण तत्वां लागू करून तपासतले.

च) सर्वसाधारण मंडळाच्यान, तें थारायतलें ते पद्दती प्रमाणें जाय पडल्यार वांगड्यांचे वट्ट संख्येंतल्या भोवमतान पूण तीन-चतुर्थांश आंकड्यान हाजीर रावून मतदान करपी वांगडी सं‘ये वरवीं ह्या संविधानांत बदल करचो अशें सरकारा कडेन मागूं येता.

छ) अकादेमीचें खंयचेंय एक कार्य वा एका परस चड कार्यां तडीक व्हरपा खातीर कलम 9 (घ) खाला स्थायी समिती ना समित्यो, घडिल्ली वा घडल्ल्यिो आसतली/आसतल्यो, तातूंत सर्वसाधारणपणान वावुरपी समितीक वा सर्वसाधारण मंडळाक गरजेचें दिसत ते प्रमाणें सर्वसाधारण मंडळाचे दोन वा तीन वांगडी आनी हेर स्विकृत वांगडी आसतले. स्थायी समितीक वा समित्यांक नेमून दिल्ल्या कर्तव्यांचें स्वरूप मतींत घेवन वांगड्यांक स्विकृत करतले.

ज) अकादेमीचें हिसबा खातें सचिव आनी अध्यक्ष, तशेंच अध्यक्षाचे गैरहाजिरेंत उपाध्यक्ष, संयुक्तपणान चलयतले.

झ) अकादेमीचें सर्वसाधारण मंडळ वा हेर खंयचीय अधिकारिणी हातूंतले पदसिद्ध वांगडी सोडल्यार अकादेमीच्या हेर वांगड्यां मदीं नैमित्तीक स्वरुपाच्यो रित्यो सुवातो उपरासल्यार त्यो नियुक्त केल्ल्या, वेंचून आयिल्ल्या वा स्विकृत केल्ल्या हेर वांगड्यां मदल्यान जाता तितले बेगीन भरून काडटले. ज्या वांगड्यांची सुवात रिती जाल्या आसत ताचे सुवातेर जो वांगडी येतलो तो ती सुवात रिती जावपाक कारण आशिल्लो वांगडी उरिल्ल्या जितल्या काळाखातीर मुळचो वांगडी अधिकारपदार आसपाचो तितल्या काळाखातीर वांगडी उरतलो. पदसिध्द वांगडी ताच्या ताच्या पदसिद्ध अधिकारकाळा मेरेनूच वांगडी उरतले.

ञ) अकादेमीच्या वांगड्यां मदीं खंयचीय सुवात रिती उरप वा ह्या संविधानांत वा हे घडणेंत खंयूय कितेंय उणेपण उरलां आसत इतल्याच कारणा वल्यान अकादेमीच्या सर्वसाधारण मंडळाची वा वावुरपी समितीची खंयचीय कृती वा कामकाज शुन्य वा नेमा भायली थारची ना.

ट) अकादेमी आनी सरकारः
एकादेमीचीं ध्येयां, उद्दिश्टां आनी कार्यां सक्षम रितीन चालीक लावपाच्या हेतान सरकारान त्या त्या वेळार दिल्ल्या निदेशां प्रमाणें अकादेमी त्यो त्यो सुचोवण्यो चालीक लायतली वा सरकारान अकादेमीचें संविधान बदलपचें अशें सुचयल्यार ताकाय पाळो दितली.
ठ) अकादेमीच्या संविधानांत केल्ल्या तरतुदीं प्रमणें अकादेमीचीं उद्दिश्टां साध्य करपा खातीर अकादेमी ङ्गावोशी नेमावळ तयार करतली.